التصميم
من الخلف مصنوع من الزجاج مع فريم معدن طبعا شكل الهاتف تقليدي ومفهوش أي تصميم جديد لان شغل الشركة كله كان في الشاشة . وزن الهاتف 198 جرام تقريبا يعني ولا ثقيل ولا خفيف وسمكه 8 ملليمتر ولكن حجمه كبير في الايد علشان كده صعب انك تستعملو بايد واحدة لان الشاشة عملاقة. وحجم زرار الباور كبير شوية علشان تعرف تميز بينو وبين باقي المفاتيح. بالاضافة الي بروز حجم الكاميرا الخلفية .
الشاشة
حجم اشاشة كبير وبيصل الي 6.92 بوصة OLED بدقة 1080×2460 بيكسل وتردد الشاشة 90 هرتز مع ألوان بتوصل الي مليون لون. وأهم شئ ان الشاشة مفهاش ثقب للكامير الأمامية طبعا حنتكلم عن الكاميرا الأمامية المدفونة تحت الشاشة بعد ما نتكلم عن الشاشة. ودرجة ألوان الشاشة ممتازة ورائعة . بالاضافة الي ان الشركة اضافة اختيار تعزيز الالوان.
الكاميرا الأمامية
طبعا الشركة عملت مجهود كبير جدا في انها تطلع موبايل بيتباع في السوق وفئة متوسطة وفي نفس الوقت الكاميرا مدفونة تحت الشاشة بمعني ان الكاميرا تحت الشاشة علشان تستفيد من الحجم الصغير ده في الشاشة وفي نفس الوقت علشان مش تزعج العميل وطبعا وضعو فوق الكاميرا بيكسلات قليلة علشان تظهر الشاشة وفي نفس الوقت الكامير السلفي تشتغل . علشان كده حضرتك لو عليت اضاءة الشاشة حيظهرك مربع الكاميرا الصغير . بسي التكنولوجيا دي متطورة وممتازة ويا ريت يطوره أكثر .
المعالج
المعالج Snapdragon 765 بتكنولوجيا 7 نانو وبيدعم شبكات الجيل الخامس 5G علشان كده المعالج غالي شوية في مصر لان مفهاش شبكات 5G . طبعا اداء الهاتف ممتاز علشان كده بتاخد تجربة أداء ممتعة . طبعا المعاج بيشغل الألعاب الكبيرة زي pupg طبعا تجربة الألعاب ممتعة جدا علي الهاتف ولان الهاتف مبيسخنش منك.
بصمة الهاتف وعوامل الأمان
البصمة موجودة تحت الشاشة وسريعة جدا ده بالنسبة ل Face Unlock .المستشعرات شغالة كلها.بالاضافة ان صوت الهاتف بيجي من الأسفل لان السماعة في الأسفل . ولا يوجد سماعة مكالمات في الأعلي بجان الكاميرا الأمامية علشان كده الصوت منخفض والموبايل بيسجل الصوت من غير برامج.شبكات الواي فاي Wifi قوية جدا
الكاميرا
الكاميرا الخلفية رباعية والاساسية 64 ميجا بيكسل والعدسة 1.8/F .والكاميرا الثانية 8 ميجا بيكسل بفتحة عدسة 2.2/F والكاميرا الثالثة 2 ميجا بيكسل والكاميرا الرابعة 2 ميجا بيكسل .وطبع هاتف من الفئة المتوسطة فلازم تكون الكاميرا عادية وأدائها متواضع .وطبعا تصوير الفيديو بتاع الموبايل ده ممتاز وجودة 4K وفي مايكروفون اضافي لعزل الضوضاء .
الكاميرا الأمامية مخفية تحت الشاشة 32 ميجا بيكسل والعدسة 2/F .طبعا الكامير الامامية لازم تكون الاضاءة عالية علشان تعرف تاخد سلفي ولازم تمسح الكاميرا الامامية كويس قبل التصوير علشان كده الصور بتعتها مش كويسة
التخزين
1 : مساحة 128 جيجا ورامات 8 جيجا
2 :مساحة 256 جيجا ورامات 8 جيجا
السعر Price
1 :النسخة 128 جيجا مع 8 جيجا رام بسعر 450 دولار أي حوال 7000 جنيه مصري
2 :النسخة 256 جيجا مع 8 جيجا رام بسعر 500 دولار أي حوال 7800 جنيه مصري
تعليقات
إرسال تعليق